அனந்தி உள்ளிட்ட மூவரையும் இழப்பது கட்சிக்கு பேரிழப்பே

பதில்:- இம்முறை உள்ளூராட்சி சபைத் தேர்தலில் போட்டியிட்ட பல பெண் வேட்பாளர்கள் தோல்வியடைந்துள்ளமையால் தான் இந்த நிலைமை தோன்றியிருக்கிறது. வட்டார ரீதியாகப் பெண் வேட்பாளர்களுக்கு வழங்கப்பட்டிருந்த பத்து வீத வாய்ப்பை அதிகரித்து வழங்கியிருந்தால் இவ்வாறான பாதிப்புக்கள் ஏற்பட்டிருக்காது.   எனினும், உள்ளூராட்சி சபைகளில் பெண்களுக்கு 25 சதவீத இட ஓதுக்கீடு வழங்கப்படுவது கட்டாயமாக்கப்பட்டு உள்ளூராட்சி சபை சட்டம் இயற்றப்பட்டுள்ளமையால் சபைகளில் 25 சதவீத பெண்கள் பிரதிநிதித்துவத்தை உறுதிப்படுத்தியே ஆக வேண்டியுள்ளது. அவ்வாறு உறுதிப்படுத்தாமல் ஆட்சியமைக்கும் பட்சத்தில் அதற்கெதிராக நீதிமன்றத்தில் வழக்குப் போட முடியும்.   

அல்லாவிடில் பாராளுமன்றத்தில் சட்டத்திருத்தத்தைக் கொண்டு வருவதன் மூலம் இந்தத் தடவை உள்ளூராட்சி சபைகளில் 25 வீத பெண்கள் பிரதிநிதித்துவத்தை உறுதிப்படுத்தும் விடயத்தைப் பரிசீலிக்கலாம். ஆனால், உள்ளூராட்சி சபைகளில் பெண்களின் 25 சதவீத பிரதிநிதித்துவத்தை உறுதிப்படுத்துவது எமது சமூகத்திற்குப் பல வழிகளிலும் நன்மை பயக்கும்.   

 

 

பதில்:- சிவகரன் தன்னைக் கட்சியிலிருந்து நீக்கும் முடிவு உத்தியோகபூர்வமானதெனில் தனக்கு இது தொடர்பான எழுத்துமூலமான அறிவித்தலை அனுப்பி வைக்க வேண்டும். அல்லாவிடில் தான்  இதற்கெதிராக நீதிமன்றத்தில் வழக்குத் தொடுப்பதாகக்  கூறியுள்ளார். தற்போது வடமாகாண அமைச்சராகவுள்ள அனந்தி சசிதரனும் தன்னை நீக்குவது தொடர்பான உத்தியோகபூர்வ கடிதம் எதுவும் தனது கைகளுக்கு இதுவரை கிடைக்கவில்லை என்று கூறியுள்ளார்.   

 

குறித்த மூவரையும் தமிழரசுக்கட்சியிலிருந்து நீக் குவதென அண்மையில் கட்சியின் மத்திய குழு கொழும்பில் கூடி முடிவெடுத்துள்ளதாகச் செய்திகள் வெளியான போதும் அவர்களை நீக்கும் முடிவு இறுக்கமானதாக அமையாது எனவே நான் கருதுகின்றேன். ஏனெனில்,இவ்வாறானவர்களை இழப்பது கட்சிக்கே இழப்பை ஏற்படுத்தும் என்றார்.