பிரபல நடிகருடன் மீண்டும் இணையும் அமலாபால் | தினகரன் வாரமஞ்சரி

பிரபல நடிகருடன் மீண்டும் இணையும் அமலாபால்

சமீபத்தில் வெளியான ஆடை படத்தின் வெற்றியை தொடர்ந்து, பிரபல நடிகருக்கு மீண்டும் ஜோடியாக நடிக்க அமலாபால் ஒப்பந்தம் ஆகியுள்ளார். 

அமலாபால் நடிப்பில் வெளியான ஆடை திரைப்படம் ரசிகர்களிடையே நல்ல வரவேற்பு பெற்றது. இவர் அடுத்ததாக மான்ஸ்டர் படத்தை இயக்கிய நெல்சன் வெங்கடேசன் இயக்கத்தில் நடிக்க இருக்கிறார். இந்த படத்தில் விஷ்ணு விஷால் நாயகனாக நடிக்கிறார். 

தெலுங்கில் ஹிட்டான ஜெர்சி படத்தின் ரீமேக்காக இந்த படம் உருவாக இருக்கிறது. நானி நடித்த வேடத்தில் விஷ்ணுவிஷால் நடிக்கிறார். ஷ்ரத்தா ஸ்ரீநாத் வேடத்தில் அமலாபால் நடிக்கிறார். கிரிக்கெட் வீரரை பற்றிய உணர்வுபூர்வமான கதையாக இந்த படம் அமைந்திருந்தது.  

ராட்சசன் படத்துக்குப் பிறகு விஷ்ணு விஷால், அமலாபால் இணைந்து நடிக்கிறார்கள். ராட்சசன் படத்தின் போதே இருவரும் காதலிப்பதாக கிசுகிசு பரவியது. இருவருமே அதை மறுத்தனர். இந்நிலையில், மீண்டும் இணைந்துள்ளனர்.   

Comments